Wi-Fi-и ройгони Душанбе
Чаро мардум аз он истифода бурда наметавонанд?
«Тоҷикистон», №15 (1526), 12.04.2023
Ҷавоб: Ба диққати тамоми шахсоне, ки аз Wi-Fi- и ройгон истифода кардан мехоҳанд, мерасонем, ки ҳоло асри 21 аст. Ройгонии Wi-Fi он тараф истад, ҳоло салом пулакӣ шудааст. Боз шумо бошед дар ҷустуҷӯйи Wi-Fi-и ройгон ҳастед.
***
Дискотека ё кӯрбазми маҳаллӣ!
Рақс бикун ҷоно, биё, рақс бикун ҷоно!
О, баландтараш кун! Ҳоло ҳам баландтар! Наход ҳамин қадар шавад-а?! Баландтар! Наход мусиқию суруди лозимаро баробари мо карда натавонеде?!
«Фараж», №14 (852), 13 04.2023
Вокуниш: Э калонкаатон кафад дискотекаҳо! Наход то ҳамин дараҷа баланд кунед!? Ҷои фалаки моро банд карданатон бас набуд, ки боз шаб то рӯз намегузоред, ки мардум як хоби бароҳат дошта бошанд.
***
80 фоизи одамон ба саволи «корҳо чӣ хел» ҷавоби дурӯғ медиҳанд.
«Дунё», №15 (991), 13.04.2023
Маслиҳат: Мегӯянд, ку: «Замона бо ту насозад, ту бо замона бисоз»
***
Дар сари замин нархи пиёз 4 ва дар бозор 8-10 сомонист. Чаро???
Саргузашти Пиёз-бойбачча дар ҶТ
«СССР», №14 (759), 13.04.2023
Ҷойгузин: Эҳ войе! Ман дар тӯли умрам шояд ин қадар арзиш надоштам. Чи қадар дар ҷои ту буданро орзу мекунам! – инро гуфт ба пиёз картошка. (Бозорбудаҳо боз ба гӯшашон нарасад)
***
Нороҳатии Ҷабборов аз пешниҳоди харитаи 1924 дар баҳс бо Тоҷикистон
Радиои «Озодӣ», (Телеграм) 17 04.2023
Вокуниш: Дар ҳақиқат бояд дар изтироб бошад, чун гуфтаанд, ку «Ҳақ ба ҳақдор мерасад».
***
Аз «Китоби сурхи Тоҷикистон» навъҳои нобудшудаи ҳайвоноту растаниҳоро хориҷ мекунанд.
«Азия плюс», (Телеграм) 17.04.2023
Ҳушдор: Ҳой мардум!!! Инсоф – пояи тоат аст”. Аз нобуд кардани ҳайвоноту растаниҳои камёфт ба шумо чи фоида? Гурусначашмиро бас кунед!
***
Бино ба иттилои мақомот, марде дар Душанбе тирезаҳои мағозаи рафиқашро зада шикастааст. Дар ин бора Раёсати ВКД дар шаҳри Душанбе хабар нашр кард.
“Pressa.tj”, (Телеграм) 17.04.2023
Ҳайрат: Наход рашк то ин дараҷа боло равад. Дар ҳақиқат мегӯянд, ки «Агар бинӣ набошад ду чашм ҳамдигарро мехӯранд».
Таҳияи Фурӯзанда Ҳусейнова,
“Фараж”
