Георгий Тихӣ, сухангӯи Вазорати корҳои хориҷаи Украина, гуфт, Украина “барои аз худ кардани” қаламравҳои вилояти Курски Русия манфиатдор нест.
«Баракси Федератсияи Русия, Украина ба чизи каси дигар ниёз надорад. Украина ба гирифтани қаламрав дар вилояти Курск манфиатдор нест, мо мехоҳем ҷони мардуми худро ҳифз кунем”, гуфт Тихӣ дар брифинг дар Киев.
Вай гуфт, ки аз аввали тобистон то ба ҳол беш аз 2 ҳазор ҳамлаи душман аз қаламрави вилояти Курски Федератсияи Русия ба вилояти Суми Украина анҷом шуда, 255 бомбаи идорашаванда ва беш аз 100 мушак истифода шудааст.
Ӯ қайд кард, ки Украина дар вилояти Курск ба мақсадҳои худ бомуваффақият ноил мешавад ва дар оянда хам барои таъмини амният ва мудофиаи кишвар ин корро мекунад.
Илова бар ин, Тихӣ таъкид кард, ки амалиёт дар вилояти Курск аз интиқоли нерӯҳои изофӣ ба вилояти Донетск Русия монеъ мешавад ва таъмини логистикии душманро мушкил мекунад.
Тихӣ ҳамчунин афзуд, ки “Федератсияи Русия ҷангро ба қаламрави Украина овард ва комилан одилона аст, ки ҳоло ин ҷанг, чуноне президенти Украина Владимир Зеленский таъкид мекунад, ба қаламрави Федератсияи Русия бармегардад”.
Ёдовар мешавем, ки ҳамлаи нерӯҳои мусаллаҳи Украина ба вилояти Курск 6-уми августи соли ҷорӣ оғоз шуда буд. Дар пасманзари амалиёти ҷангӣ нархи газ дар Аврупо боло рафт.
