Дар Калифорниёи Иёлоти Муттаҳидаи Амрико тасмим гирифтанд, ки муҳоҷирони ғайриқонуниро аз шаш кишвари Шӯравии собиқ: Гурҷистон, Молдова, Қирғизистон, Русия, Тоҷикистон ва Узбекистон ихроҷ кунанд.
Агар муҳоҷирон аз ин кишварҳо кӯшиши убури марзро кунанд, онҳо фавран аз Иёлоти Муттаҳида хориҷ карда мешаванд. Дар ин бора рӯзномаи New York Post бо такя ба як манбаъ дар хадамоти марзбонии Калифорниё менависад.
Муҳоҷирони кишварҳои дигар ҳақ доранд, ки парвандаи худро баррасӣ кунанд ва метавонанд дар Иёлоти Муттаҳида натиҷаи онро интизор шаванд.
Ҳоло барои шаҳрвандони як қатор кишварҳо, аз ҷумла Тоҷикистон, ин имкон манъ шудааст. Қаблан бисёре аз муҳоҷирони аз ин кишварҳои зикршуда бо ин роҳ ба Амрико ворид мешуданд.
Ёдовар мешавем, ки ахиран Ҷо Байден, президенти Амрико, гирифтани паноҳандагии сиёсиро барои муҳоҷироне, ки ба таври ғайриқонунӣ марзи Мексикаро убур мекунанд, дар ИМА муваққатан манъ карда буд. То он даме, ки марзи ҷанубии ИМА серодам боқӣ мемонад, чораҳои маҳдудкунанда боқӣ хоҳанд монд.
