Президенти Туркманистон қонун дар бораи дахлнопазирии Қурбонгулӣ Бердимуҳаммадовро имзо кард. Қонуни конститутсионии «Дар бораи Пешвои миллии халқи Туркманистон» ба президенти пешин Қурбонгулӣ Бердимуҳаммадов ва аъзои оилаи ӯ ҳуқуқи дахлнопазирӣ ва як қатор имтиёзҳои дигарро пешбинӣ кардааст.

Президент Сардор Бердимуҳаммадов қонунеро имзо кард, ки бар асоси он пешвои миллии мардуми туркман ва аъзои оилаи ӯ ҳуқуқи дахлнопазирӣ доранд, ки ба моликияти ӯ ва моликияти аъзои оилааш низ дахл дорад.

Рӯзи 21-уми январ ҷаласаи муштараки порлумони Туркманистон – Милли Генгеши Туркманистон баргузор шуд. Дар он тасмим гирифта шуд, ки мақоми раҳбари миллӣ ба президенти собиқ Қурбонгулӣ Бердимуҳаммадов дода шавад.

Вай дастгоҳи олии намояндагии хокимияти халқӣ “Халқ маслаҳатӣ”-ро роҳбарӣ мекард. Дар моддаи 5-уми қонуни нав омадааст, ки “Пешвои миллии мардуми туркман узви доимии Халқ маслаҳатии Туркманистон аст”.

Дар қонун ҳамчунин таъмини ҳимояи давлатӣ ба пешвои миллат ва аъзои оилаи ӯ, аз ҷониби давлат фароҳам овардани шароит барои амалисозии фаъолият, ҳифзи ҳуқуқу озодиҳои ӯ, ҳаёт, шаъну шараф ва номуси ӯ пешбинӣ шудааст. Ҳамчунин, расонидани хадамоти расмӣ, манзилӣ, иҷтимоӣ, нақлиётӣ, алоқа, табобатӣ, санаторӣ ва дигар хизматрасониҳои пешвои миллати туркман, инчунин таъминоти моддӣ аз ҷониби мақомоти ваколатдори давлатӣ амалӣ карда мешавад.

Блоки рекламавӣ

ЯК ҶАВОБ ТАРК

Please enter your comment!
Please enter your name here