Президенти ИМА Доналд Трамп ваъда додааст, ки қудратро бидуни муқовимат ба президенти интихобшудаи ИМА Ҷо Байден нахоҳад супурд, ҳатто агар тарафдорони Байден Сенат ва Кохи Сафедро “забт кунанд“. Вай дар ин бора дар як ҳамоише дар иёлати Ҷорҷия эълом дошт ва сабти суханрониашро дар Твиттер нашр кардааст.
“Агар демократҳо Сенат ва Кохи Сафедро ишғол кунанд, пас мо бо тамоми қувва бо онҳо мубориза хоҳем бурд, мисле, ки дар ҷаҳаннам мубориза хоҳем бурд”, – гуфтааст ӯ.
Интихоботи президентӣ дар ИМА рӯзи 3-юми ноябр баргузор шуд. Ҳисобкунии овозҳо бо шумораи зиёди овоздиҳи тариқи почта ва иштироки зиёди интихобкунандагон ба таъхир афтод. Дар натиҷа, интихобкунандагон Байденро президенти нав маълум карданд. Маросими савгандёдкунии ӯ 20-уми январ таъйин шудааст.
