Омодагӣ ба зимистон дар Шабакаҳои барқи маркази маъмурии вилояти Хатлон-шаҳри Бохтар, ки 23 ҳазору 697 муштарии маишӣ дорад 72 дарсадро ташкил медиҳад.
Роҳбари ниҳоди мазкур Илҳом Шарифзода иттилоъ дод, омодагӣ ба зимистон аз 12 банд иборат мебошад, ки 6 банди он пурра иҷро шуд,а дар 6 банди дигар кор идома дорад.
– Тибқи нақша бояд Шабакаҳои барқи шаҳри Бохтар то якуми октябри соли ҷорӣ пурра ба фасли зимистон омода шавад, – илова кард номбурда.
Ӯ қайд кард, дар ин давра ду трансформатори нав насб карда шуд, ки ин барои таъмини муштариён бо барқи босифат мусоидат хоҳад кард.
– Ҳоло вазъи ҳаво мӯътадил шудаст, рӯзона гоҳ-гоҳ барқ ба хотири тоза кардани дарахтон, ки ба болои онҳо симҳои барқ мегузаранд, ҳамчунин, барои иваз кардани хатҳои фарсудаи интиқоли барқ ва дигар корҳо хомӯш карда мешавад,- қайд кард Илҳом Шарифзода.
