Воксине, ки дар якҷоягӣ бо Вазорати мудофиаи Русия таҳия шудааст, шахсро беш аз ду сол аз коронавирус муҳофизат мекунад, гуфт директори Маркази миллии илмии эпидемиология ва микробиологияи ин кишвар Александр Гинсбург.
Озмоишҳои клиникии воксине, ки аз ҷониби ин марказ ва Вазорати дифоъ 18-уми июн дар 18 ихтиёрӣ оғоз шудаанд, дар беморхонаи Бурденко таҷриба карда мешавад. Ба нақша гирифтаанд, ки охири моҳи июл онро ба анҷом расонанд.
«Воксин ду маротиба гузаронида мешавад. Ин ҳам ҳамон як ген (воксин контейнерҳои аденовиралиро барои интиқол додани генҳо, ки рамзи сафедаи «корона»-ро дар коронавирус истифода мебаранд) ба интиқолдиҳандаҳои мухталиф ворид карда мешавад, ки на танҳо масунияти муҳофизатиро қувват медиҳад, балки фаъолияти онро ба муддати тӯлонӣ тамдид мекунад», – гуфтааст Гинсбург дар мусоҳиба бо рӯзномаи «Красная Звезда».
“Ин равиш ба эҳтимоли зиёд кафолат медиҳад, ки шахсе, ки ин воксинро бо вояи пурқуват гирифтааст, аз сирояти эҳтимолӣ бо коронавирус ҳадди аққал ду сол ва эҳтимолан дар муддати тӯлонӣ ҳифз хоҳад шуд“, – илова кардааст ӯ.
Блоки рекламавӣ
