Субҳи рӯзи сешанбе ба Маскав ва вилояти Маскави Федератсияи Русия ҳавопаймоҳои бесарнишин ҳамла карданд. Дар натиҷа чанд бино хисороти ночиз диданд, гуфт раиси пойтахти Русия Сергей Собянин.
Ба гуфтаи мақомот, талафоти ҷонӣ ба қайд гирифта нашудааст, сокинони чанд хонае, ки ҳавопаймоҳои бесарнишин ба даромадгоҳи онҷо бархӯрдаанд, ҳангоми кори хадамоти изтирорӣ берун оварда шуданд.
Ба иттилои ТАСС дар истинод аз хадамоти изтирорӣ, дар атрофи хона пораҳои шабеҳи ҳавопаймои бесарнишин пайдо шудаанд. Шишаҳои хонаҳои се ошёна шикастаанд. Шумораи бесарнишинҳои ҳамлавар 20 адад гуфта мешавад.
Баъдан маълум шуд, ки маъмурони интизомӣ дар ду бинои боз чандошёнаи истиқоматӣ дар ғарб ва ҷанубу ғарби Маскав, воқеъ дар хиёбони Ленин, 92, бинои 1 ва кӯчаи Профсоюзная, бинои 98, бинои 6, маълумот дар бораи таркишро тафтиш мекунанд. Дар он ҷо, дар баъзе хонаҳо, низ шишаи тирезаҳо шикаста буданд.
Шаҳрдои Маскав Собянин субҳи сешанбе ҳамлаи бесарнишинҳоро тасдиқ кард. Дар натиҷа, ба гуфтаи ӯ, чанд бино осеби ночиз дидааст. Ба гуфтаи шаҳрдор, дар пойтахт осебдидагон нестанд, дар ҷойи ҳодиса тамоми хадамоти изтирории шаҳр кор мекунанд.
