Ду ҳавопаймои бесарнишин ба як бино дар қисмати ҷанубии Маскав бархӯрданд.
Дар Маскав дастикам ду ҳавопаймои бесарнишин ба як бино дар хиёбони Комсомолский ва кӯчаи Лихачёв бархӯрданд. Тибқи маълумоти пешакӣ, талафоти ҷонӣ ба қайд гирифта нашудааст.
Шаби душанбеи 24-уми июл ба Маскав ҳавопаймоҳои бесарнишин ҳамла карданд, хабарро мири шаҳр Сергей Собянин тасдиқ кард. Аз ҳамлаи ҳадди ақал ду ҳавопаймо гузориш дода мешавад. Боқимондаҳои як ҳавопаймои бесарнишин дар маҳаллаи хонаи рақами 17 дар хиёбони Комсомолский пайдо шуданд. Як ҳавопаймои бесарнишини дигар, ба навиштаи расонаҳо, ба бинои маркази тиҷоратӣ дар кӯчаи Лихачев дар наздикии истгоҳи ҲММ ЗИЛ бархӯрдааст.
Ба гуфтаи Собянин, дар натиҷаи ҳамла хисороти ҷиддӣ ва ҳодисаҳои дишари монанд ба ҳамла ба қайд гирифта нашудааст.
Ин ҳамларо вазорати дифои Русия низ таъйид кардааст. Тибқи изҳороти оҷонсӣ, “бо воситаи дифои электронӣ (EW) ду ҳавопаймои бесарнишини украинӣ торумор ва суқут карданд”.
Дар ин ҳодиса Русия ҷониби Укроинро айбдор мекунад, аммо Укроин ба ин айбнома вокунише накардааст.
