28-уми ноябр президенти Қазоқистон Қосим-Ҷомарт Тоқаев дар мулоқот бо сарвазири Русия Михаил Мишустин дар бораи пешниҳоди президент Владимир Путин дар бораи таъсиси иттиҳоди сеҷонибаи Русия, Қазоқистон ва Ӯзбекистон сухан гуфт. Дар ин бора нашрияи Интерфакс хабар медиҳад.

«Масъалаҳое ҳастанд, ки ҳамоҳангсозии иловагӣ ва ҳатто гуфтушунидро талаб мекунанд. Аз ҷумла, сухан дар бораи сектори газ меравад. Ин ҷо ягон саҳнасозии масоил нест. Ман танҳо ба Владимир Владимирович (Путин) гуфтам, ки чунин масъалаҳо вуҷуд доранд, онҳо муҳокимаро талаб мекунанд, аммо комилан бидуни саҳнасозӣ. Инҳо масъалаҳои корӣ ҳастанд”, гуфт Тоқаев дар мулоқот бо нахуствазири Русия Михаил Мишустин, ки пас аз музокироти сатҳи олии Русияву Қазоқистон дар Кремл сурат гирифт.

Вай ҳамчунин гуфт: “Имрӯз Владимир Владимирович гуфт, ки бояд як навъ иттиҳоди сеҷониба таъсис диҳем ва ӯ ба президенти Ӯзбекистон занг мезанад”.

Пештар хабар дода шуда буд, ки президенти Қазоқистон бо як сафари расмӣ вориди Русия шудааст. Тоқаев ва Путин эъломияеро ба муносибати 30-юмин солгарди барқарории муносибатҳои дипломатӣ байни Федератсияи Русия ва Ҷумҳурии Қазоқистон имзо карданд.

Блоки рекламавӣ

ЯК ҶАВОБ ТАРК

Please enter your comment!
Please enter your name here