Прокуратураи ноҳияи Шоҳмансури шаҳри Душанбе нисбат ба размкори MMA ва ва блогнавис Чоршанбе Чоршанбиев бар асоси моддаҳои 189 ва 307-и Кодекси ҷиноии Тоҷикистон парванда боз кардааст. Дар ин бора АМИТ «Ховар» хабар дод.

Дар хабар гуфта мешавад, ки 30 декабри соли 2021 шаҳрванди Ҷумҳурии Тоҷикистон Чоршанбиев Чоршанбе Авазхонович, соли таваллудаш 1995, зодаи шаҳри Хоруғ, муваққатан дар Федератсияи Россия ғайриқонунӣ иқомат дошт, бо қарори Суди ноҳияи Останкинои шаҳри Москва барои қонуншиканиҳои маъмурӣ ва дағалона вайрон намудани қоидаҳои будубош, зери хатар мондани ҳаёт ва саломатии шаҳрвандон ба маблағи калон ҷаримабандӣ гардида, аз ҳудуди Федератсияи Россия хориҷ карда шуд.

Дар натиҷаи санҷиш муайян гардидааст, ки нисбати Чоршанбиев Ч.А. моҳи майи соли 2014 аз тарафи шуъбаи Вазорати корҳои дохилии Ҷумҳурии Тоҷикистон дар шаҳри Хоруғ барои ҷинояти дуздии моликияти шахсии сокини шаҳри Хоруғ Мамадкаримов Абулназар бо моддаи 244 парвандаи ҷиноятӣ оғоз карда шуда, моҳи ноябри соли 2014 Қонуни авф татбиқ гардидааст. Вале номбурда аз ин хулосаи зарурӣ набароварда, мунтазам ба қонуншиканиҳо идома додааст (қонуншиканиҳои Чоршанбиев Чоршанбе Авазхонович дар Федератсияи Россия, нигаред ба сайтҳои шабакаҳои телевизионии «Россия-24», «Россия-1», НТВ).

Ӯ ҳамчун блогер тавассути шабакаҳои иҷтимоии интернетӣ, хусусан саҳифаи шахсиаш «chchorshanbiev_pm» пайваста баромадҳои иғвоангез намуда, ба барангехтани кинаву адовати миллию маҳалгароӣ ва даъват барои ташкил кардани бетартибиҳои оммавӣ машғул шудааст.

Нисбат ба Чоршанбиев Ч.А. дар асоси маводҳои мавҷуда аз ҷониби прокуратураи ноҳияи Шоҳмансури шаҳри Душанбе бо моддаҳои 189 ва 307-и Кодекси ҷиноятии Ҷумҳурии Тоҷикистон парвандаи ҷиноятӣ оғоз ва номбурда дастгир карда шуд. Тафтишоти пешакӣ идома дорад. Чоршанбиев Ч.А. аз лаҳзаи дастгиршавӣ тибқи талаботи қонунгузории Ҷумҳурии Тоҷикистон бо вакили дифоъ таъмин шудааст.

Ба хешовандони наздики Чоршанбиев Чоршанбе Авазхонович дар бораи дастгир кардани ӯ ҳамчун гумонбар дар содир кардани ҷиноятҳои мазкур расман хабар дода шудааст.

Дар ҳамин ҳол, тавре қаблан Радиои Озодӣ хабар дод, Чоршанбе Чоршанбиев, ки аз Русия ихроҷ шуда буд, субҳи 30 декабр дар фурудгоҳи Душанбе боздошт шуд. Шоҳидони айнӣ ба ин хабаргузорӣ гуфтаанд, ки афроди либоси низомидошта варзишгар ва блогерро ба самти номаълум бурданд.

Суди шаҳри Маскав рӯзи 29 декабр қарори Русия ихроҷ кардани Чоршанбе Чоршанбиевро эътироф кард, хабар медиҳад РИА Новости бо такя ба дафтари матбуоти суд.

Гуфта мешавад, ки дар авоили моҳи декабр вай дар нақзи қоидаҳои вуруд ба Русия гунаҳкор дониста шуда, ба маблағи 5 ҳазор рубл ҷарима бо ихроҷи маъмурӣ аз Федератсияи Русия шудааст.

Блоки рекламавӣ

ЯК ҶАВОБ ТАРК

Please enter your comment!
Please enter your name here