Президенти Қирғизистон Сооронбай Ҷеенбеков имрӯз дар робита бо вазъи кунунии сиёсиву иҷтимоии ин кишвар ба халқи қирғиз муроҷиат кард. Ба гуфтаи ӯ, вазъ дар кишвар, бахусус Бишкек, пуртаниш аст.
«Дирӯз Жогорку Кенеш ҳайати ҳукуматро тасдиқ кард, ман фармонҳои президенти Ҷумҳурии Қирғизистонро дар бораи ин таъиноти мувофиқ имзо кардам, аммо ин шиддатро паст карда натавонист. Мутаассифона, таҳоҷум сабук намешавад, талаби истеъфои фаврии ман идома дорад. Вазъи кунунӣ ба як муноқишаи дуҷониба наздик аст”, – гуфт Сооронбай Ҷээнбеков.
Вай қайд кард, ки аз як тараф – эътирозгарон, аз тарафи дигар – мақомоти ҳифзи ҳуқуқ. «Кормандони ҳарбӣ ва мақомоти ҳифзи ҳуқуқ вазифадоранд, ки барои ҳифзи идораҳои давлатӣ силоҳ истифода баранд. Дар ин ҳолат, хун рехта мешавад, ин ногузир аст. Ман ҳарду ҷонибро даъват мекунам, ки ба иғвоҳо дода нашаванд. Барои ман сулҳ дар Қирғизистон, тамомияти кишвар, ваҳдати мардуми мо ва оромии ҷомеа аз ҳама чиз болотар аст. Барои ман аз ҳаёти ҳар як ҳамватанам чизи азизтаре нест », – хулоса кард ӯ.
“Ман талабгори дар даст доштани қудрат нестам. Ман намехоҳам дар таърихи Қирғизистон ҳамчун президенте бошам, ки хун рехта, ба сӯи шаҳрвандони худ тир холӣ кардааст. Аз ин рӯ, ман тасмим гирифтам, ки истеъфо диҳам”.
Сооронбай Ҷээнбеков
Вай аз Ҷапаров ва дигар сиёсатмадорон даъват кард, ки тарафдорони худро аз пойтахти кишвар бозпас гиранд ва зиндагии осоиштаро ба сокинони Бишкек баргардонанд.
