Сарвазири пешини Покистон Имрон Хон дар Исломобод ба ҳабс гирифта шуд. Ӯ дар чаҳорчӯби муҳокимаи додгоҳӣ дар мавриди тасарруфи маблағҳои Бунёди Ал-Қодир Траст боздошт шуд, хабар медиҳад Euronews.
Баъди бурда шудани Хон байни тарафдоронаш ва полис занозанӣ ба амал омад. Дар он чанд кас ярадор шуд. Дар байни онҳо вакилони Хон, покистониҳои шодихӯрдаи ӯ ва чанд полис низ ҳастанд.
Хон 10-уми апрели соли 2022 дар натиҷаи овоздиҳии нобоварӣ ба ӯ аз ҷониби парлумон барканор карда шуд. Алайҳи ӯ ҳоло дар додгоҳҳои Покистон бо иттиҳоми мухталиф, аз ҷумла терроризм ва ошӯб, даҳҳо парвандаи ҷиноӣ боз шудааст.
Худи Хон иддао кард, ки барканории ӯ аз қудрат ғайриқонунӣ буд ва ба ӯ барои алайҳи ҳукумати вориси худ, нахуствазир Шаҳбоз Шариф, бо талаби баргузории интихоботи пеш аз муҳлат таблиғ кардан, чунин иттиҳом задаанд.
