Соли 2023-юм ташкилотҳои қарзии молявии минтақаи Бохтари вилояти Хатлон ба маблағи 2,6 млрд сомонӣ қарз додаанд, ки ин нисбат ба ҳамин давраи соли гузашта 576,1 млн. сомонӣ, ё 29,1 дарсад, зиёд мебошад. Дар ин бора Самадзода Фирдавс, мудири шуъбаи минтақавии Бонки миллии Тоҷикистон дар шаҳри Бохтар дар нишасти хабарӣ иттилоъ дод.
Ӯ афзуд, тақсимоти соҳавии қарзҳои додашуда дар минтақа нишон дод, ки қарзҳо барои рушди соҳаи кишоварзӣ 27,2%, саноат 3,9%, сохтмон 30% наклиёт 0,6%, хӯроки ҷамъиятӣ 0,1%, хизматрасони 8,2%, савдои хориҷӣ 9,1 дарсад, истеъмолот 45,0%, ва дигар соҳаҳо 2,3%-ро ташкил додааст.
– Бақияи сандуқи қарзии ташкилотҳои қарзии молиявӣ, ки дар гардиш ва рушди иқтисолиёти минтақа иштирок доранд, ба санаи 31 декабри соли 2023-юм 2,0 млрд. сомониро ташкил дод, ки ин дар муқоиса нисбати ҳамин давраи соли гузашта ба андозаи 41,9 дарсад ва 586,6 млн сомонӣ зиёд мебошад, – илова кард Самадзода Фирдавс ва гуфт, ки дар таркиби бақияи сандуқи қарзии ташкилотҳои молиявӣ 94,5 дарсадро қарзҳо бо пули миллӣ ва 5,5 дарсадро қарзҳо бо асъори хориҷӣ ташкил медиҳанд.
