Рӯзномаи Times of Israel бо истинод ба як мақоми амрикоӣ гузориш дод, ки Исроил пас аз музокироти шадиди дипломатӣ бо Иёлоти Муттаҳида розӣ шуд, ки ҳар рӯз вуруди 100 мошини ёрии башариро ба навори Ғазза иҷоза диҳад.
Ба гузориши рӯзномаи Times of Israel, тавофуқ билофосила пас аз он ҳосил шуд, ки Ожонси кумак ва кор дар умури паноҳандагони фаластинии Созмони Милал хабар дод, теъдоди маҳдуди мошинҳои боркаш бо кумакҳои башардӯстона, ки вориди навори Ғазза мешаванд, барои таъмини ниёзҳои мардуми минтақа кофӣ нест.
Тавре нашрия қайд мекунад, рӯзи душанбе 39 мошини боркаши ҳомили борҳои башардӯстона вориди Ғазза шуданд ва шумораи умумии онҳо аз оғози авҷ гирифтани низоъ миёни Фаластину Исроил ба 171 адад расид.
Қаблан СММ даъват карда буд, ки барои тағйири вазъи башардӯстона дар минтақа дар навори Ғазза илова бар гузаргоҳи Рафаҳ як гузаргоҳи изофӣ ифтитоҳ шавад, Керем Шалом метавонад ба чунин гузаргоҳ табдил ёбад.
Теъдоди кушташудагони навори Ғазза, ба гуфтаи вазорати тандурустии маҳаллӣ, аз 8 ҳазор кас гузаштааст, ки нисфи онҳо кӯдакон буда, беш аз 18 ҳазор каси дигар маҷруҳ шудаанд. Ба гуфтаи манобеи мухталиф, беш аз 200 исроилӣ дар асорати Ҳамос ҳастанд.
