10-уми октябр дар Кохи “Суғдиён”-и шаҳри Хуҷанд баргузории Фестивали шаҳрии «Атласу адраси Хуҷанд-2017» ба нақша гирифта шудааст, хабар медиҳад дафтари матбуоти раиси шаҳри Хуҷанд.

Ин фестивал бо мақсади эҳёву тарғиби ҳунарҳои миллӣ, аз ҷумла атласу адрасбофии дастӣ, фарҳанги моддӣ, рӯзгордории халқи тоҷик, рушди соҳаи саноати сабук, тарғиби сарулибос аз матои табиии аз ҷиҳати экологӣ безарар бо истифодаи услубҳои миллии дӯзандагӣ, рушди меҳнати хонагӣ, баланд бардоштани мақому завқи либоспӯшии миллӣ, зебоипарастӣ, ғанӣ намудани ҳаёти маънавии занону бонувон, баланд бардоштани мақоми зан дар ҷомеа, эҳёи анъанаву ҳунарҳои миллӣ, меҳнати хонагии занону духтарон, беҳгардонии вазъи иқтисодию иҷтимоии аҳолӣ, таъсиси ҷойи корӣ барои занону духтарон ва ба касбомӯзию шуғли доимӣ фаро гирифта шудани онҳо баргузор мешавад.  Раиси шаҳри Хуҷанд Маъруф Муҳаммадзода дар ин бора қарори дахлдор ба нашр расонда, шахсони мутасаддиро вазифадор кардааст, ки барои дар сатҳи баланд гузаронидани чорабинии мазкур мусоидат кунанд.

Дар фестивал тарғиб ва муаррифии намудҳои гуногуни матоъҳои атласу адрас, ки дар ҳудуди Ҷумҳурии Тоҷикистон истеҳсол карда мешаванд ба назари эътибор гирифта шудааст. Ҳамзамон дар доираи баргузор намудани Фестивали шаҳрии «Атласу адраси Хуҷанд-2017» барои тарғибу ташвиқи анъанаҳои фарҳанги либоси миллӣ, истеҳсоли матоъҳои атласу адрас ташкил ва ба намоиш гузоштани беҳтарин либосҳои миллӣ низ роҳандозӣ карда мешавад.

Дар Фестивал метавонанд ҳамаи ҳунармандон, корхонаҳои истеҳсолӣ, дӯзандагӣ, муассисаҳои таълимӣ, марказҳои омӯзишӣ, тарроҳон ва дӯзандагони алоҳидаи шаҳр иштирок намоянд.

Беҳтарин либосҳои миллии қадима, кӯдакона, расмӣ, идона бо назардошти зебоӣ, дизайни либос, нотакрорӣ, ғайримуқаррарӣ, ҳалли тобиш, обуранг, истифодаи ҳунарҳои гулдӯзии дастӣ, қуроқдӯзӣ, интихоби ашёҳои ороишӣ, пардоз ва ғайра аз ҷониби шаҳрдорӣ қадршиносӣ карда мешаванд.

Блоки рекламавӣ

ЯК ҶАВОБ ТАРК

Пожалуйста, введите ваш комментарий!
пожалуйста, введите ваше имя здесь