Кари Идрис, узви дастаи ушу Афғонистон, Муҳаммад Ҷан Солтанӣ, узви дастаи миллии таэквондо ва Насир Аҳмад Сахак, бозингари тими крикет, рӯзи панҷшанбеи 26уми август, дар вилояти Лағмон, бар асари ҳамлаи террористӣ кушта шуданд.
Бино ба гузориши Ассотсиатсияи байналмилалии матбуоти варзишӣ (AIPS), варзишгарон дар байни даҳҳо афғон буданд, ки дар ду таркиши хунин дар фурудгоҳи байналмилалии Кобул кушта шуданд.
Ҷавонон мекӯшиданд, ки аз бесарусомонӣ, ки пас аз бозгашти Толибон ба қудрат ба сараш омад, гурезанд. Садҳо афғон дар фурудгоҳ ҷамъ омада, кӯшиш карданд то 31-уми август, ки мӯҳлати онро Толибон муқаррар кардаанд, парвоз кунанд. Дар ин издиҳом рӯзи панҷшанбе ду маргталаб дастгоҳҳои тарканда гузоштанд.
Дар ин ҳамла 13 сарбози амрикоӣ ва беш аз 90 мулкї кушта шуданд. Бисёриҳо маҷрӯҳ шуданд. ДИИШ масъулияти таркишҳоро бар дӯш гирифт.
Ҳафтаи гузашта Закӣ Анварӣ, узви тими миллии футболи ҷавонон, ҳангоми суқути як ҳавопаймои низомии ИМА аз фурудгоҳи байналмилалии Ҳомид Карзай ба садама дучор шуд. Варзишгар кӯшиш кард дар кисмати шасси парвоз кунад.
