Дар ноҳияи Данғараи вилояти Хатлон бо харҷи 20 миллион доллари ИМА корхонаи истеҳсолии тамоку бунёд карда мешавад, ки он дар як сол 3 миллиард дона тамоку истеҳсол ва ба хориҷи кишвар содирот мекунад.

Раиси Кумитаи давлатии сармоягузорӣ ва идораи амволи давлатии Тоҷикистон Саъдӣ Қодирзода, дар ҷаласаи якуми Иҷлосияи панҷуми Маҷлиси намояндагони Маҷлиси Олии Ҷумҳурии Тоҷикистон, даъвати шашум иттилоъ дод, ки дар Минтақаи озоди иқтисодии “Данғара” бо харҷи 20 миллион доллар корхонаи истеҳсоли тамоку бунёд мешавад.

Гуфта шуд, ки  дар корхонаи мазкур  78 кас бо ҷойи кори доимӣ таъмин шуда, иқтидори истеҳсолии он дар як сол 3 миллиард дона тамоку мебошад. Маҳсулоти истеҳсолгардида ба хориҷ содирот карда мешавад.

Гуфта мешавад, вакилони Маҷлиси намояндагон дар ҷаласаи ахири худ қарордоди сармоягузорӣ байни Ҳукумати Тоҷикистон ва ширкати «OXUS INTERAZIA FZCO»-ро дар заминаи сохтмони корхонаи истеҳсоли тамоку дар Минтақаи озоди иқтисодии «Данғара» баррасӣ ва тасвиб карданд.

Пешниҳоди имтиёзҳо, ки яке аз талаботи асосии қонунгузории сармоягузорӣ мебошад, дар чаҳорчӯби муқаррароти санадҳои меъёрии ҳуқуқӣ ба ширкати мазкур имкон медиҳад, ба муҳлати панҷ сол аз имтиёзҳои молиётӣ бархурдор шавад.

Аз ҷумла, барои ширкати мазкур то 50 дарсад кам кардани меъёри молиёт аз арзиши афзуда, ба андозаи 50 дарсад кам кардани меъёри аксиз ва озод кардан аз пардохти боҷи гумрукӣ дар раванди истеҳсолот ва воридоти маҳсулоти тамоку ба Ҷумҳурии Тоҷикистон (берун аз Минтақаи озоди иқтисодии «Данғара») пешбинӣ гардидааст.

Блоки рекламавӣ

ЯК ҶАВОБ ТАРК

Пожалуйста, введите ваш комментарий!
пожалуйста, введите ваше имя здесь