Писари хурдии Рамзан Қодиров, раисиҷумҳури Чеченистон, Одам Қодирови 17-сола сарпарасти раёсати вилоятии Вазорати умури дохилии Русия таъйин шуд. Дар ин бора ширкати давлатии телевизион ва радиои «Вести Чеченской Республики» хабар дод.
Дар ин бора то ҳол иттилоъи расмӣ вуҷуд надорад, хабар медиҳад RTVI. Бино ба гузориши телевизионӣ, таъйини Одам Қодиров дар ҷаласаи тантанавии Вазорати умури дохилии Чеченистон эълом шудааст. Дар он ҷо Қодирови хурдӣ сардори нави шуъбаи оперативӣ-ҷустуҷӯии раёсати амнияти дохилии идораро таъйин карда, сипас ба чанд тан аз кормандон барои мардонагӣ ва қаҳрамонӣ ҷоизаҳои олӣ ва медалҳои «Қаҳрамони Ҷумҳурии Чеченистон. Къонах»-ро супурд.
Худи Одам Қодиров беш аз даҳ ҷоиза дорад. Дар байни онҳо медалҳои «Қаҳрамони Ҷумҳурии Чеченистон», орденҳои «Барои хизматҳо дар назди Ҷумҳурии Қарачай-Черкес», «Барои хизматҳо дар назди уммат» дараҷаи 1 (КХР), «Барои хизматҳо дар назди Ҷумҳурии Кабардину Балкар», «Шиҷоати меҳнатии Русия», нишони сарисинагии «АХМАТ-Грозний» ва ғайра мебошанд. 27-уми марти соли 2025 бо фармони сардори ин раёсат Виктор Золотов бо медали идоравии Гвардияи миллии Русия «Барои ифтороти низомӣ» мукофотонида шудааст. Одам Қодиров ҳамчунин узви Додгоҳи ҳакамии араб ва сарпарасти Донишгоҳи нерӯҳои вижаи Русия ба номи В.В. Путин (воқеъ дар Гудермес, Чеченистон) аст.
Моҳи ноябри соли 2023 Одам ба вазифаи сардори амнияти сарвари ҷумҳурии Чеченистон таъин шуд. Он вақт вай 15-сола буд. Моҳи октябри соли 2024 писари Қодиров ба унвони ҷавонтарин раиси Хадамоти амният ба Китоби рекордҳои Русия ворид шуд.
