Тибқи Қонуни Ҷумҳурии Тоҷикистон “Дар бораи афв бинобар қонунигардонии дороиҳо ва маблағҳои шаҳрвандони Ҷумҳурии Тоҷикистон” дар ташкилотҳои қарзии молиявии кишвар қонунигардонии маблағҳо ва дороиҳои шаҳрвандони Тоҷикистон амалӣ карда мешавад.
Шахсоне, ки мехоҳанд маблағҳояшонро қонунӣ гардонанд, метавонанд дар Амонатбонк суратҳисобҳои пасандозҳои муҳлатнок ва ё амонатҳои тодархостӣ бо пули миллӣ ва ё асъори хориҷӣ кушоянд. Агар маблағҳо ба пасандози муҳлатнок гузошта шаванд даромади фоизии он таҳти андозбандӣ қарор намегирад.
Ҳар кас метавонад маблағҳояшро тариқи нақдӣ ва ғайринақдӣ дар саридораи Амонатбонк воқеъ дар шаҳри Душанбе, хиёбони Рудакӣ 105 супорад. Маълумоти бештарро тариқи рақами кутоҳи 1885 ва (+44) 600 00 34, 44 600 9029 гирифтан мумкин аст.
