20-уми октябр, ҳангоми гузаронидани амалиёти гумрукӣ аз тарафи кормандони Раёсати минтақавии гумрукӣ дар вилояти Суғд дар роҳи мошингарди самти Бобоҷон Ғафуров – Хуҷанд дар ҳудуди ноҳияи Бобоҷон Ғафуров аз воситаи нақлиёти тамғаи Мерседес Бенс-312 ба миқдори 1 ҳазору 750 килограмм шакар, ки бояд аз Қирғизистон ба Тоҷикистон қочоқ мешуд, дарёфт гардидааст.

Ин микроавтобус бо рақами қайди давлатии 46 44 ЕК 02, таҳти идораи шаҳрванд Ҷ.Ҳ. соли таваллудаш 1990, истиқоматкунандаи ноҳияи Бобоҷон Ғафуров, ҷамоати Хистеварз барои азназаргузаронии гумрукӣ боздошт карда шудааст. Ҳангоми азназаргузаронӣ дар бордони воситаи нақлиёти мазкур ба миқдори 1 ҳазору 750 килограмм шакари истеҳсоли Ҷумҳурии Қирғизистон муайян карда шуд, ки ин миқдор мол ба худи ронанда Ҷ.Ҳ. тааллуқ дошта, номбурда ин миқдор молро аз ҳудуди ҷамоати Хистеварзи ноҳияи Бобоҷон Ғафуров аз як шахси ношиноси қирғиз, ки бидуни назорати гумрукӣ вориди марзи гумрукии Ҷумҳурии Тоҷикистон кардааст, харида, мехост бе ҳуҷҷатгузории гумрукӣ барои фуруш ба шаҳри Хуҷанд интиқол диҳад.

Ҳамим тавр, шаҳрванд Ҷ.Ҳ. бо ин кирдори худ ҳуқуқвайронкунии маъмурии дар моддаи 597-и Кодекси ҳуқуқвайронкуни маъмурии Ҷумҳурии Тоҷикистон пешбинишударо содир намудааст.

Аз рӯи ҳолати мазкур нисбат ба шаҳрванд Ҷ.Ҳ. мутобиқи моддаи 597-и Кодекси ҳуқуқвайронкунии маъмурии Ҷумҳурии Тоҷикистон, парвандаи ҳуқуқвайронкунии маъмурӣ оғоз карда шудааст.

Блоки рекламавӣ

ЯК ҶАВОБ ТАРК

Please enter your comment!
Please enter your name here