Чанде пеш гузориш шуда, ки 15 кӯдак бар асари доруи “ДОК-1 МАКС” дар бемористони кӯдакони шаҳри Самарқанд ҷон бохтаанд.
Номаи расмии раиси маркази пизишкии чандриштаии кӯдаконаи минтақаи Самарқанд М. Азизов хитоб ба раиси идора беҳдошти минтақаӣ Давронбек Ҷумъаниёзов дар шабакаҳои иҷтимоӣ мунташир шудааст, ки мегӯяд, ахиран дар минтақа бемориҳои вируси роҳи нафас дар байн кӯдакон афзоиш ёфтааст. Дар чунин шароите, пизишкон ё худ модарон доруи «ДОК-1 МАКС»-ро ба беморон медиҳанд.
Дар ин нома ҳамчунин иттилооте дар мавриди таркиби ин дору ироа шудааст. Бар асоси ин нома, «ДОК-1 МАКС» ҳовии 500 милигарм парасетамул, 200 милигарм гвайфенезин ва 10 милигарм ҳидрохлориди фенилэфрин аст.
“Дар натиҷаи истифода аз доруи «ДОК-1 МАКС» бисёре аз афрод бо аворизи ҷонибӣ бо мо тамос гирифтанд. Асосан кӯдакон норасои кори гурда ва осеб ба ин узв доранд».
Дар 2 моҳи гузашта 21 бемор пас аз масрафи ин дору бо таъсири манфӣ ба марказ муроҷиа карданд. Дар кӯдакони бемор, умдатан анурия (қавс, наомадани пешоб ба масона) мушоҳида шуд.
Дар 17 нафари аз онҳо, беморӣ бисёр шадид буд, ҳатто маҷбур ба анҷоми чандин амали гемодиализ (усули тозакунии хун берун аз гурда дар ҳолати нокомии шадид ва музмини гурда) шуданд. Дар нома омадааст, ки 15 нафар кушта шуданд.
Аз 22 декабри соли ҷорӣ фурӯши ин дору дар Ӯзбекистон муваққатан манъ шудааст.
