Кормандони шуъбаи ҳифзи муҳити зисти ноҳияи Ҷалолиддини Балхӣ дар 5 моҳи соли ҷорӣ зимни гузаронидани 4 санҷиши нақшавӣ ва 58 назоратӣ 69 нафарро ба маблағи беш аз 19 ҳазору 360 сомонӣ ҷарима карданд.
Сардори шуъбаи ҳифзи муҳти зисти ноҳияи мазкур Махсудҷон Хушвахтзода гуфт, нисбати 36 нафар ба маблағи 15 ҳазору 400 сомонӣ зарар ҳисоб карда шуда пурра ситонида шудааст. Иттилоъ дода шуд, ки 13 мавод ба прокуратура ирсол карда шуда, маблағи 3240 сомонӣ ситонида шуд.
– Аз 69 сокини ҷаримашуда 10 нафар дар самти партов, 8 нафар дар самти ҳифзи ҳавои атмосферӣ, 9 нафар дар самти канданиҳои фоиданок, 6 нафар дар самти ҳифзи замин, 5 нафар дар самти олами ҳайвонот, 8 нафар дар самти ҳифзи олами наботот ва боқӣ дар дигар самтҳо мебошад, – илова кард ӯ
