6000 ҳоҷӣ аз Тоҷикистон ва 44 зойир аз Беларус

Айни замон беш аз 6000 нафар тоҷикистонӣ, ки барои адои Ҳаҷ ба Каъба сафар кардаанд, дар як меҳмонхонаи панҷситорадор, 700 метр аз Макка дур қарор доранд.  

Тавре раиси шӯъбаи Ҳаҷи Кумитаи оид ба корҳои дин, танзими анъана ва ҷашну маросимҳои миллии Ҷумҳурии Тоҷикистон Абдулғаффор Юсупов ба farazh.tj хабар дод, айни замон онҳо дар меҳмонхонаи панҷситорадор, ки 700 м аз Макка дур аст, ҷойгир шудаанд. Ба қавли ин намояндаи Кумитаи дин, ки роҳбари гуруҳ ҳам ҳаст, рӯзе се маротиба ба онҳо хӯрок дода мешавад, ки аз меҳмондории мутасаддиёни ин меҳмонхона розӣ ҳастанд.         

Бино ба иттилои расмии Кумитаи дин ҳамасола аз Тоҷикистон беш аз 6 ҳазор нафар ба Ҳаҷ мераванд.

Имсол 44 сокини Беларус ҳам барои зиёрати Маккаву Мадина рафтаанд. Мақомоти Беларус гуфтанд, ки ин гурӯҳи зоирон рӯзи 23-юми август тариқи ҳавопаймо аз Минск ба Истанбул ва сипас аз онҷо ба Арабистони Саудӣ парвоз карданд.Ба қавли мақомот ин бузургтарин гурӯҳи зоирон дар таърихи ин кишвар будааст. Онҳо пеш аз сафар ба Ҳаҷ дар масҷиди ҷомеаи шаҳри Минск ҷамъ омадаанд.