Зиндагӣ мисли дарёст, пур аз мавҷу садо ва гирдобе. Боре ба худ гуфтам, агар зиндагӣ мисли дарё бошад, киштие месозаму аз ин тарафи соҳил гузашта меравам.
Хуморбӣ Шарифова «Фараж» №4 (842)
Савол: Ба он тарафи соҳил гузашта куҷо меравед? Эҳтиёт кунед, ки ба дарё наафтед!
***
Ид ё базм бе шӯхиву ҳазл, бе ширингуфториву зарофатгӯӣ, бе ханда ҳусни худро гум мекунад.
«Самак» №4 (586)
Давом: Дуруст гуфтед. Ханда занги дилро мебарад ва ширингуфторӣ ба он ҷилои тоза медиҳад.
***
Нархи 1 кило пиёз 10 сомонӣ. Нархи 1 кило пиёз имрӯз дар бозор агар 7,5 – 8 сомонӣ барои 1 кило бошад, дар гӯшаи деҳқони назди хонаи мо 10 сомонӣ аст!
Бахтовар Муродов, донишҷӯ, «СССР» №4 (749)
Маслиҳат: Пештар самбӯсаи серпиёз мегуфтанд, акнун самбӯсаи пургӯшт ё серхамир мегӯянд.
***
Зимистон дарахтҳо калон намешаванд.
«Дунё» №5 (981) 02.02.2023
Идома: Муҳим ки сербарф мешаванд.
***
Хаткашоне! Ба хонаат дигар, номаи меҳри ман нахоҳад бурд.
Хуршед Ховарӣ, «Фейсбук»
Маслиҳат: Ҳоло асри 21 асри техникаву технология аст. Агар хаткашон номаатонро набарад аз почтаи электронӣ истифода баред. Ҳам осон ва ҳам муфид!
***
Сафири Ҳиндустон вақте дар бораи робитаи дӯстии Тоҷикистону Ҳиндустон сухан мекард, нақши Абдурозиқ-сароянда ва блогери тоҷикро низ таъйид намуд.
Одили Нозир, «Фейсбук»
Як мақоли халқӣ аст мегӯянд, ку «Орд дар дохили халта корро буд кунад калта».
***
“Дар моҳҳои сентябр – октябр бинобар сабаби он ки куштани маҷбурии мурғҳои тухмдеҳ бисёр шуд, нархи тухми мурғ ҳам гарон шуд”…
Муҳаммадсаид Файзуллозода, раиси Кумитаи бехатарии озуқавории Тоҷикистон
***
Ҳайрат: Мурғҳо ихтиёрӣ ҳам кушта мешаванд?
Ҷайҳун: Мактабе, ки сохтмонаш 16 сол идома дорад, ба зудӣ ба истифода дода мешавад.
Farah.tj
Савол: «Ба зуди» – аш 16 – соли дигар?
***
Афзоиши бемории фарбеҳӣ миёни наврасону кӯдакон дар Суғд
Sputnik.tj
Маслиҳат: Айби хӯрокҳои тез – тайёри (Fast food) аврупоӣ, мисли Хот-догу гамбургер ё питсаҳое, ки саршор аз чарбанд! Ба «Ролтон» гузаред!
***
Ҷустуҷӯйи ҳудуди 400 нафар барои напардохтани пули алимент.
Pressa.tj
Эътироз: Вақти ошиқӣ бояд аз оқибаташ меандешидед!
Таҳияи Фурӯзанда Ҳусейнова
