Рӯзи 6-уми феврал дар Туркия заминларзаи шадидтарин рӯй дод. Дар натиҷа дар ҷанубу шарқи кишвар ва Сурия беш аз 24 ҳазор нафар кушта ва даҳҳо ҳазор нафар маҷруҳ шуданд. Тибқи ҳисобҳои Созмонии ҷаҳонии тандурустӣ тақрибан 23 миллион нафар дар минтақаи офати табиӣ қарор доранд. Эҳтимол аст, ки фалокати бузурги башардӯстона боиси тағйирот дар сохтори ҷамъиятию сиёсии Туркия шавад.
Рӯзи 14 май дар ин кишвар интихоботи президентӣ баргузор мешавад, ки баъд аз он Раҷаб Тайиб Эрдуғон метавонад қудратро аз даст диҳад, хабар медиҳад Meduza. Тааҷҷубовар аст, ки худи Эрдуғон дар ибтидои солҳои 2000-ум дар мавҷи норозигии мардум аз ҳукумате, ки натавонист оқибатҳои заминларзаи соли 1999 ва бӯҳрони иқтисодии соли 2001-ро паси сар кунад, ба вазфиаи сарварӣ интихоб шуд. Акнун ҷомеаи Туркия метавонад ба Эрдуғон ва ҳизби ӯ дар бораи он, ки тайи солҳои гузашта хатогиҳоро ислоҳ накардаанд ва кишварро ба зарбаи нави табиат омода накардаанд, бигӯяд.
Эрдуғон аз Туркия даъват кард, ки дар атрофи ғаму андӯҳи муштарак муттаҳид шавад, аммо мухолифон ба суолҳо дар бораи ҳисобҳои нодурусти мақомот шуруъ кардаанд. Натиҷаи интихоботи президентии 14 май дар зери хатар аст. Дарҳол дар соатҳои аввали баъди заминларза раҳбарияти Туркия таҳти сарварии Раҷаб Тайиб Эрдуғон даъват кард, ки мавзуи офати табииро сиёсӣ накунанд, балки дар қиболи ин ғаму андӯҳ муттаҳид шаванд.
Ҳампаймони эътилофи Эрдуғон, раҳбари ҳизби Ҷунбиши ииллӣ Девлет Бахчели низ таъкид кард, ки ҳоло “рӯзи беҳуда сарф кардани вақт дар полемикаҳои номатлуб нест”.
