Оператори пешсаф ва навовари кишвар – Tcell ва ширкати суғуртаи BIMA Insurance опсияҳои суғуртавии “МобиҲимоя” (МобиХранитель) ва “МобиҲимоя плюс” (МобиХранитель плюс) -ро барои суғуртаи таҷҳизоти мобилӣ дар ҳолати гум шудан, ё вайрон шудан ҳангоми истифода пешниҳод мекунанд.
Чунин намуди бима беназир аст ва бори аввал дар Тоҷикистон татбиқ мешавад. Бо опсияҳои васлшудаи “МобиҲимоя” ва “МобиҲимоя плюс” Шумо дар бораи бехатарии таҷҳизоти мобилӣ ва телефонҳоятон хавотир намешавед. Тартиби бима хеле содда аст: барои пайвастшавӣ ба марказҳои хизматрасонии муштариёни Tcell муроҷиат кардан лозим аст.
Опсияи “МобиҲимоя” ҳифзи молиявии таҷҳизоти мобилии нав харидашударо ҳангоми гум шудан, ё нобудшавӣ аснои истифодабарӣ таъмин менамояд. Хавфҳои суғурта иборатанд аз сӯхтор, таркиш, обхезӣ, офатҳои табиӣ, ҷиноятҳои моликият, дуздӣ, пасту баландшавии шиддати барқ. Дар сурати корношоям ва ё пурра вайрон шудани таҷҳизоти мобилӣ, агар он бима шуда бошад, ташкилоти суғуртавии BIMA Insurance ӯҳдадор мешавад, ки таҷҳизоти мобилиро барои таъмир ба маркази хизматрасонӣ, ё ҷуброн дар ҳолати комилан вайрон шудани мол барқарор кунад.
Опсияи “МобиҲимоя плюс” барои телефони мобилии харидашуда ҳимояи молиявиро фароҳам меорад. Хавфҳои суғурта иборатанд аз сӯхтор, таркиш, зарари механикӣ (дисплейи телефон). Дар сурати корношоям ва ё пурра вайрон шудани телефони мобилӣ, агар он бима шуда бошад, ташкилоти суғуртавии BIMA Insurance ӯҳдадор мешавад, ки телефони мобилиро тавассути фиристодан ба маркази хидматрасонӣ барои таъмир, ё ҷуброн дар ҳолати комилан вайрон шудани мол барқарор кунад.
Арзиши опсияҳо мутаносибан 150 ва 300 сомониро ташкил медиҳад. Опсияҳо дар тӯли 12 моҳ аз рӯзи фаъолшавӣ эътибор доранд ва маблағи суғурта 3000 сомониро дар бар мегирад.
Дар ҳолати рух додани ҳодисаи бимавӣ, муштариён метавонанд ба яке аз идора ё бахшҳои ширкати суғуртаи BIMA Insurance муроҷиат кунанд.
