Раисиҷумҳури феълии Молдова Майя Санду, ки ҷонибдори наздикшавӣ бо Аврупои воҳид аст, аз пирӯзӣ дар даври дуюми интихоботи раёсатҷумҳурӣ хабар дод.
Тибқи натоиҷи овоздиҳӣ вай аз рақибаш, собиқ додситони кулли кишвар Александр Стояногло, бо тақрибан 11 дарсади бештари овозҳо пеш гузашт. Санду ба шарофати овозҳои молдовагиҳои муқими хориҷа пирӯз шуд.
Бино ба маълумоти расмие, ки Комиссияи марказии интихоботии Молдова аз тамоми 2219 ҳавзаи интихоботӣ гирифтааст, Санду 55,33%, Стояногло 44,67% овозҳоро ба даст овардаанд.
Дар оғози соати аввали шаб, вақте бартарии Санду бар рақибаш аз нуҳ дарсад гузашт ва раъйи ҳамагӣ тақрибан ду дарсади қитъаҳои интихоботӣ бешумор боқӣ монд, Санду дарҳол эълони пирӯзиро имконпазир донист. Санду гуфт, Молдова дар ин интихобот пирӯз шуд ва ба интихобкунандагони худ дар кишвар ва хориҷи кишвар изҳори сипос карду ваъда дод, ки президенти тамоми Молдова хоҳад буд.
Дар даври аввали раъйдиҳӣ Санду 42,4 дарсад ва Стояногло ҳамагӣ 25,9 дарсад овоз гирифтанд.
Стояногло ҷонибдорӣ муносибатҳои ҳасана ба ҳама тарафҳо буд ва мехост бо Русия наздик шавад.
