85 муассисаи таълимии ноҳияи Ёвон бо харҷи беш аз 1 миллиону 697 ҳазор сомонӣ таъмир шуда, ба соли нави хониш пурра омода шудаанд.
Мудири шуъбаи маорифи ноҳияи мазкур Исломиддин Нарсов гуфт, ки аз ин маблағҳо 1 миллиону 200 ҳазор сомониаш аз ҳисоби буҷети ноҳия, 372 ҳазор аз ҷониби волидон ва 311 ҳазори дигараш аз ҳисоби дигар сарпарастон барои таъмири мактабҳо ҷудо гардида буд.
– Ҳоло дар ноҳияи мазкур 85 муассисаи таълимӣ фаъолият мекунанд, ки дар онҳо 56 ҳазору 200 нафар хонанда таълим мегиранд. Ин мактабҳо пурра ба соли нави хониш омода шудаанд, – илова кард ӯ.
Муовини сардори Раёсати молияи ноҳияи Ёвон Асадулло Бекназаров дар мавриди ҷудо кардани маблағ барои таъмири мактабҳо чунин гуфт:
– Имсол бояд аз ҳисоби буҷети ноҳия зиёда аз 3 миллиону 847 ҳазор сомонӣ маблағ ҷудо карда мешуд. Мутаассифона, аз ин маблағҳо то имрӯз ҳамагӣ 31 дарсад, яъне 1 миллиону 200 ҳазор сомонӣ, ҷудо гардидасту халос.
Ин масъули Раёсати молия сабаби ҷудо нашудани 2 миллиону 750 ҳазор сомонии дигар барои таъмири мактабҳоро баста шудани суратҳисоби махсуси муассисаҳои таълимӣ аз ҷониби Вазорати молияи ва бемории сироятии каронавирус арзёбӣ кард.
