Падару модари вайронанишинам, Яғноб.
Мулки бо моҳу ба хуршед қаринам, Яғноб
Бар алайҳи ҳама онон, ки ғаминат карданд,
Кошки рӯи туро шод бибинам, Яғноб.
Чӣ гунаҳ доштӣ, к-ингуна харобат карданд,
Дар ғами хоки ватан хоку туробат карданд,
Дур аз чашмаи куҳ чашми ту шуд чашмаи хун,
Дур аз синаи куҳ синакабобат карданд?
Кӯчи иҷборӣ бибастӣ ба суи «ободӣ»
Баҳри озодии пуч аз ватани озодӣ.
Блоки рекламавӣ
