Кумитаи ҳолатҳои фавқулода ва мудофиаи граждании Тоҷикистон хабар медихад, ки шаби гузашта, 11-уми март, соати 22:11-и вақти маҳалӣ, дар қаламрави кишвар заминларза ба амал омадааст.
Бино ба маълумоти Идораи зилзиласанҷии Тоҷикистон маркази он 82 километр шимолу шарқи пойтахти кишвар шаҳри Душанбе ва 8 километр аз шаҳри Роғун будааст. Ин манбаъ хабар медиҳад, ки қувваи заминларза дар маркази он 3 дараҷа ва дар шаҳри Роғун 2-3 дараҷаро ташкил додааст.
Гуфта мешавад, дар дигар шаҳру ноҳияҳо кишвар заминларза эҳсос нашудааст, хисорот ва талафоти ҷонӣ низ дар ҷумҳурӣ ба қайд гирифта нашудаанд.
Блоки рекламавӣ
