Паҳлавонони шинохтаи Тоҷикистон Сомон Маҳмадбеков ва Акмал Муродов баъд аз пирӯзиҳои аввал натавонистанд, ки дар даврҳи баъдии Бозиҳои олимпӣ комёб шаванд.
Сомон Маҳмадбеков аз намуди куштии ҷудо дар вазни -73кг рақобати аввалини худро бо ғалаба оғоз кард. Сомон бар ҳарифи худ Аҳмад Аликай аз дастаи паноҳандаҳо дастболо шуда, ба даври дигар роҳхат гирифт. Дар даври 1/16-финал бар варзишгари кишвари Гамбия Файе Нжие ғолиб омад. Дар даври 1/8-финал Сомон бо ноибқаҳрамони Бозиҳои олимпии Рио-2016, паҳлавони муваффақи озарӣ Рустам Оруҷов мубориза бурд ва нокм шуд. Бо ҳамин ширкати ӯ дар Олимпиада ба анҷом расид.
Акмал Муродов низ дар куштии ҷудо дар вазни -81 кг дар даври аввали ширкаташ паҳлавони Гуам Ҷоштер Эндрюро бо ду «ваза-арӣ» мағлуб карда, ба даври дуюм роҳ ёфт, аммо дар ин давр аз паҳлавони маъруфи гурҷӣ Тато Григалашвилӣ шикаст хӯрд.
