Рӯзи 19.05.2023 аз номи 12 нафар раисони хоҷагии деҳқонии деҳаи Ғусари Ҷамоати деҳоти Лоиқ Шералии шаҳри Панҷакент ба идораи ҳафтаномаи “Фараж” мактуби шикоятӣ ворид шуд.

Дар он аз мушкилоти норасоии оби полезӣ сухан мерафт ва аз ҷумла гуфта мешуд, ки “Бинобар норасоии оби полезӣ мо наметавонем аз заминҳои корам ҳосили дилхоҳ ба даст орем. Агарчӣ мо бо ИВХОП ва асотсиатсияи оби “Ғӯсар-Баҳор” шартнома баста, маблағи обро қисман супорида бошем ҳам, аммо об то заминҳои мо намерасад. Мо маблағи зиёд сарф карда, тухмиҳои гаронарзиш харидорӣ карда, кишт кардем, вале зироатҳои кишткардаамон хушк шуда истодаанд ва агар мушкилоти об ҳалли худро наёбад, ҳама заҳмати мо талаф хоҳад шуд”. Дар мактуб хоҳиш карда мешуд, ки идораи редаксия ба ҳалли мушкилоти мавҷуда мусоидат кунад.

Идораи Редаксияи ҳафтаномаи “Фараж” шикояти мазкурро худи ҳамон рӯз барои баррасӣ ва чораҷӯӣ ба Мақомоти иҷроияи маҳаллии ҳокимияти давлатии шаҳри Панҷакен ирсол намуд. Хушбахтона аз ҳукумати шаҳри Панҷакент барои баррасӣ ва чораҷӯӣ ба таври фаврӣ гурӯҳи корӣ ташкил карда шуда, мушкили беобӣ ҳал ва даъвои раисони хочагии деҳқонӣ қонеъ карда шуд.

Рӯзи 21-уми май, яъне аллакай дар Рӯзи сеюми муроҷиат, яке аз муроҷиаткунандагон- Фармонқул Ҳайдаров ба идораи редаксия занг зада, ба сармуҳаррири нашрия ва масъулини шаҳри Панҷакент изҳори сипогузорӣ намуд, ки ба муроҷиаташон ба таври фаврӣ расидагӣ карданд.

Идораи Редаксия ба Мақомоти иҷроияи маҳаллии ҳокимияти давлатии шаҳри Панҷакен барои пайгирии фаврии шикоят ва қонеъ намудани муроҷиати шаҳрвандон изҳори сипос мекунад. Боварӣ дорем, ки агар дигар мақомот низ шикояти шаҳрвандонро чунин пайгирӣ кунанд, ҳама норасиҳо ва нофаҳмиҳо аз байн мераванд.

МТЖТ

Блоки рекламавӣ

ЯК ҶАВОБ ТАРК

Пожалуйста, введите ваш комментарий!
пожалуйста, введите ваше имя здесь