Аз соли таҳсили 2025/2026 дар Ӯзбекистон қабули донишҷӯён барои таҳсили ғоибона қатъ карда мешавад. Дар ин бора фармони президенти Ӯзбекистон Шавкат Мирзиёев ба имзо расидааст.
Қарори мазкур барои баланд бардоштан сатҳу сифати таълим ва тазмину навсозии бахши маориф пиёда карда мешавад. Ба ҷойи ин, мақомот ният доранд, бе он ки беш аз 50 дарсади шумораи донишҷӯёни таҳсилоти рӯзонаро зиёд кунанд, қабул ба шаклҳои алтернативии таҳсилро тадриҷан ба роҳ монанд.
Ҳамчунин, омода кардани кадрҳои илмию педагогӣ дар барномаҳои магистрӣ бо истифода аз шаклҳои алтернативӣ иҷозат дода шуда, дар донишгоҳҳо модели тағйирпазири таълими рӯзона дар асоси низоми кредитӣ-модулярӣ ҷорӣ карда мешавад. Нақзи меъёрҳои қабули муқарраршуда барои бозхонди иҷозатномаи ташкилоти таълимӣ асос мегардад.
