Дар ноҳияи Вахши вилояти Хатлон то ҷашни 30-солагии Истиқлолияти давлатии кишвар сохтмони 6 кӯдакистон ба нақша гирифта шудааст
Бино ба гуфти иҷрокунандаи вазифаи мудири шӯъбаи маорифи ноҳияи Вахш Гулбаҳор Хоҷаева ҳоло дар ноҳия 8 муассисаи томактабӣ фаъолият доранд, ки дар онҳо беш аз 700 кӯдак дар шароити хуб ба таълиму тарбия фаро гирифта шудаанд.
– Ҳамчунин, дар назди 26 мактаби дигар маркази инкишофи кӯдак бо фарогирии 688 кӯдаки дигар ташкил шудааст, – илова кард мусоҳиби мо.
Иттилоъ дода шуд, ки то ҷашни 30-солагии Истиқлолияти кишвар аз ҳисоби ҳама сарчашмаҳои даромад шаш муассисаи томактабии хусусӣ бунёд карда мешавад.
Масъулони ҳукумати ноҳияи Вахш ва шӯъбаи маорифи ноҳия талош доранд, ки дар оянда фарогирии кӯдаконро ба муассисаҳои томактабӣ бештар намуда, шароити онҳоро бозҳам хубтару беҳтар созанд.
