Суханони раҳбари Укроин Владимир Зеленский, ки музокироти Русия ва ИМА дар Риёзро интиқод кард, президенти ИМА Доналд Трампро ба хашм овардааст. Дар ин бора рӯзномаи бритониёии The Guardian менависад.
Нашрия аз суханони Зеленский ёдовар мешавад, ки гуфтааст музокироти Русия ва ИМА дар Риёз “байни намояндагони Русия ва намояндагони Иёлоти Муттаҳидаи Амрико дар бораи Укроин – боз дар бораи Укроин – ва бидуни Укроин сурат гирифтааст”.
“Шарҳҳои президенти Укроин зоҳиран Трампро хашмгин кард, ки баъдан ба Зеленский чанд ҳамла оғоз кард”, – менависад The Guardian ва илова мекунад, ки Трамп аз баргузории интихоботи ояндаи президентӣ дар Укроин ҳимоят кардааст.
Пештар Дмитрий Песков, котиби матбуотии Кремл гуфт, ки Владимир Путин, раисиҷумҳури Русия, дар сурати зарурат, омода аст, дар музокироти ҳалли низоъ дар Укроин бо президенти ин кишвар Владимир Зеленский ширкат кунад.
Русия Владимир Зеленскийро президенти ғайриқонунии Укроин медонад, зеро муҳлати раёсатҷумҳурии ӯ дар моҳи майи соли 2024 ба поён расид. Мақомоти Укроин бо баҳонаи вазъи ҳарбӣ аз баргузории интихобот дар кишвар худдорӣ карданд.
