Баъди ба сари қудрат омадани Толибон дар Афғонистон тариқи гузаргоҳи вилояти Хатлон ба ин кишвар 5 ҳазору 760 воситаи нақлиёт рафтуомад карданд, гуфт сардори Раёсати гумруки вилояти Хатлон Зафар Маҳамадиев зимни нишасти хабарӣ.

Ӯ қайд кард, вақте бо ронандагону соҳибкорон  сӯҳбат кардааст, онҳо гуфтаанд, ки пеш аз сари қудрат омадани Толибон аз ҳар воситаи нақлиёт 250 долари ИМА хокпулӣ, яъне фонди роҳ гуфта, мегирифтанд.

– Ҳоло ин маблағ дигар аз ронандагон гирифта намешавад, – афзуд Зафар Маҳмадиев.

Дар идома ӯ гуфт:

– Мо ва дигар ниҳодҳо  бо Толибон дар гуфтушунид ҳастем ва ҳар рӯз  аз тариқи гузаргоҳи Панҷи Поён  бештар 40 воситаи нақлиёт рафту омад мекунанд.

Ба иттилои манбаъ танҳо рӯзи 8 феврали соли ҷорӣ  тариқи гузаргоҳи Панҷи Поён  аз вилоят ба Афғонистон 42 мошин семент содирот шудааст.

– Аз вилояти Хатлон ба Афғонистон  ангишт, тухм, ангур ва дигар маҳсулот низ содирот мешавад, – қайд кард Маҳмадиев.

Блоки рекламавӣ

ЯК ҶАВОБ ТАРК

Пожалуйста, введите ваш комментарий!
пожалуйста, введите ваше имя здесь