Раҳбари иттиҳоди демократҳои масеҳӣ Фридрих Мертс дар натиҷаи даври дуюми овоздиҳӣ дар Бундестаг садри аъзами Олмон интихоб шуд.
Ба тарафдории номзадии ӯ 325 вакил овоз доданд, ки ҳадди ақали раъйи лозим 316 овозро ташкил медиҳад. Дар даври якуми овоздиҳӣ, ки 6-уми май барпо гардид, ба Мертс шаш раъй нарасид, ки ин дар таърихи Ҷумҳурии федеративии Олмон ҳодисаи бемислу монанд аст. Ҳеҷ як номзад ба мақоми садри аъзам пас аз таъсиси эътилоф муваффақиятро аз даст надода буд.
Тибқи Қонуни асосии Олмон, парлумон метавонад, дар давоми 14 рӯз як номзади дигарро пешбарӣ ва дастгирӣ кунад, вале ин зарур нашуд, чун Мертс ёрии зарурӣ гирифт.
Рӯзи 23-юми феврал дар Олмон интихоботи пеш аз муҳлати порлумонӣ баргузор шуд, ки дар натиҷа эътилофи Иттиҳодияи демократҳои масеҳӣ ва Иттиҳодияи сотсиалистии масеҳӣ дар Байерн бо 28,6% овозҳо пирӯз шуд.
Як рӯз пеш дар Олмон маросими видоъ бо садри аъзами пешин Олаф Шолс баргузор шуд. Агар Мертс дар даври дуюм тасдиқ карда намешуд, Шолс муваққатан вазифаи худро дар мақоми амалкунанда нигоҳ медошт.
