Бо иштироки раиси ноҳияи Ҷалолиддини Балхӣ Холиқзода Рустам ва прокурори ноҳия Собирзода Искандар дар ҷамоати деҳоти Навободи ноҳия хатти оби нӯшокӣ дар масоҳати 3 километр мавриди истифода қарор дода шуд, ки баъди он 13 ҳазор аҳолии ин ҷамоат бо оби тозаи ошомиданӣ таъмин карда шуданд.
Аз МИҲД-и ноҳияи мазкур хабар доданд, ки зимни ба истифода додани хатти оби нӯшокӣ роҳбарияти ноҳия бо сокинони ҷамоати деҳоти мазкур мулоқот оростанд.
Қайд гардид, ки дастрасии аҳолии маҳаллии ҷамоати деҳоти Навобод минбаъд осон гашта, мушкилоти ҷойдошта бартараф хоҳад гашт. Сокинон ба масъулини ноҳия арзи сипос самимии хешро расониданд.
Хотиррасон мекунем, ки хатти оби нӯшокӣ дар ҷамоати деҳоти Навобод бо харҷи 660 ҳазор сомонӣ аз тарафи соҳибкори маҳаллӣ бунёд гардида, барои деҳаҳои Наврӯз, Айнӣ, Саид Кароматулло ва қисман ба деҳаи Абдулло низ хизмат мерасонад.
