Кумитаи тафтишотии Русия се наврасро дар оташ задани масҷид дар Еленовски вилояти Маскав гумонбар медонанд. Кормандони мақомоти ҳифзи ҳуқуқ се наврасро бо гумони оташ задани масҷид дар Еленовски вилояти Маскав дастгир карданд. Дар ин бора пойгоҳи интернетии “Baza” хабар додааст.
Тибқи маълумоти расона, моҳи март боздоштшудагон ба сафи ҳаракати National-Socializm, ки дар Русия мамнӯъшуда аст, дохил шуданд. Созмон террористӣ эътироф карда шуда ва фаъолияташ дар Русия манъ аст. Онҳо қарор доданд, ки масҷидро дар кӯчаи “Коммунаи Париж” оташ зананд. Он шаби 30 март пеш аз ҷашни мусулмонии Рамазон сурат гирифт. Оташ боми бино ва ошёнаи дуюми биноро фаро гирифта, аз ҷониби сӯхторхомӯшкунандагон хомӯш карда шуд, аммо бино осеби ҷиддӣ дид.
20 апрел Кумитаи тафтишотии Русия алайҳи наврасон бо моддаи иштирок дар ташкилоти террористӣ, ки ҷазоро дар шакли маҳрум сохтан аз озодӣ ба муддати аз 10 то 20 сол пешбинӣ мекунад, парвандаи ҷиноятӣ оғоз кард. Модари яке аз онҳо ҳамчун нозири давлатӣ хизмат мекардааст ва унвони подполковникӣ доштааст.
