Дар даври длуюми марҳилаи гуруҳии Лигаи дуюми чемпионҳои Осиё дастаҳои Тоҷикистон «Истиқлол» ва «Равшан» бо «Сипоҳон» (Эрон) «Ал-Вакра» (Қатар) бозӣ мекунанд.
Имрӯз, 1 октябр чемпиони Тоҷикистон оид ба футбол байни дастаҳои Лигаи олӣ- бошгоҳи «Истиқлол»-и Душанбе бозии дуюмро дар марҳилаи гуруҳии Лигаи чемпионҳои дуюми Осиё-2024/25 баргузор мекунад. «Истиқлол» дар гурӯҳи «С» дар меҳмонӣ бо ҷоизадори медали биринҷии чемпионати Эрон-дастаи «Сипоҳон»-и Исфаҳон вомехӯрад. Ин бозӣ дар варзишгоҳи «Фӯлод Шаҳр»-и Фӯлодшаҳр баргузор шуда, соати 19:30 ба вақти маҳаллӣ (соати 21:00 ба вақти Душанбе) оғоз мешавад.
«Равшан»-и Кӯлоб дар даври дуюми марҳилаи гуруҳии Лигаи дуюми қаҳрамонҳои Осиё-2024/25 дар чаҳоргонаи «А» бо бошгоҳи «Ал-Вакра»-и Қатар бозӣ мекунад. Ин вохӯрӣ рӯзи 2 октябр дар Варзишгоҳи марказии ҷумҳуриявии Душанбе баргузор шуда, соати 19:00 оғоз мегардад.
