Садҳои нафар ҷавони ноҳияи Кушониёни вилояти Хатлон дар рӯзи аввали даъвати тирамоҳии ба сафи Қувваҳои Мусалаҳи кишвар пайвастанд.

1 октябри соли 2022, бо мақсади иҷрои Фармони Президенти Ҷумҳурии Тоҷикистон аз 3 сентябри соли 2022, №451 “Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1995-2004 Ҷумҳурии Тоҷикистон ба хизмати ҳарбӣ”, бо иштироки роҳбарияти ноҳия, кормандони комиссариати ҳарбӣ, раисони ҷамоатҳои шаҳраку деҳот, падару модарон ва ҷавонон, дар назди бинои Кохи фарҳанг ва комиссариати ҳарбии ноҳияи Кушониён  чорабинии тантанавӣ “Рӯзи даъватшаванда”, бо гусели беш аз 110 нафар ҷавони ихтиёрӣ ба сафи Қувваҳои Мусаллаҳӣ Ҷумҳурии Тоҷикистон баргузор гардид. Дар ҷамъомадӣ тантанавӣ сараввал аз тарафи комиссари ҳарбии ноҳия  фармони Сарфармондеҳи олии Қувваҳои муссалаҳи Ҷумҳурии Тоҷикистон, муҳтарам Эмомалӣ Раҳмон ироа гардид.

Раиси ноҳия Вализода Икромиддин, дар суханронии худ қайд кард, фаъолон, пеш аз ҳама вазифадоранд,  дар таъмини иҷрои Фармони Сарфармондеҳи Олии Қувваҳои мусаллаҳи Ҷумҳурии Тоҷикистон, Президенти Ҷумҳурии Тоҷикистон, муҳтарам Эмомалӣ Раҳмон, дар рӯҳияи ватандӯстиву хештаншиносӣ, ҳифзи муққадасоти миллӣ, амну субот ҳимояи марзу буми кишвари азизамон ва баланд бардоштани масъулияти ҷавонони азизи ноҳия тадбирҳои заруриро амалӣ кунанд.

– Мо дар шароите қарор дорем, ки Ватани азизамон ба марҳилаи нави тараққиёт ворид гардида, барои таҳкими сулҳу субот, озодӣ ва арзишҳои милливу давлатӣ қадамҳои боз ҳам устувортаре мегузорад, аз ин рӯ ҳар якимо вазифадор ҳастем, ки дар атрофи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, ин марди ватандӯсту меҳанпараст муттаҳид шуда якпорчагии кишвари азизро чун гавҳараки чашм ҳифз намоем, – гуфт ӯ.

Ҳамзамон, раиси ноҳия миннатдории мақомоти иҷроияи ҳокимияти давлатии ноҳияро ба тамоми волидони ҷавонони ихтиёрӣ сафарбаршуда баён намуда, ба ҷавонони сарбаланди ноҳия баҳри адои содиқонаи хизмати ҳарбӣ сарбаландӣ, тансиҳатӣ ва некномӣ таманно кард. Сипас, собиқадорони ҷангу меҳнат, волидони даъватшавандагон ва ҷавонони сафарбаршуда баромад намуда, миннатдории худро ба мақомоти  иҷроияи ҳокимияти давлатии ноҳия, барои шароити мусоид фароҳам овардан ва дастгириҳои пайваста баён намуданд. Ҷиҳати ҳавасмандии ҷавонон, дар рафти чорабинӣ марҳилаи аввали супоридани шаҳодатномаҳои хатми курси ронандагӣ ва шаҳодатномаи хатми омузишӣ касби кафшергарӣ низ аз тарафи роҳбарияти ноҳия ба ҷавонони даъватшаванда супорида шуд.

Модарони азизу меҳрубон анъанаҳои неки гузаштагонро баёд оварда, ҷавононро бо нону кулчаҳои зебои омоданамуда, гусел карданд.

Дар фарҷом, кормандони шуъбаи фарҳанги ноҳия бо барномаи рангини фарҳанги ва шеъру сурудҳои ватандӯстона, иштирокчиёни чорабиниро болидахотир намуданд.

Блоки рекламавӣ

ЯК ҶАВОБ ТАРК

Please enter your comment!
Please enter your name here