21-уми январ дар ҳайати роҳбарикунандаи Суди олӣ, Суди олии иқтисодӣ, Вазорати меҳнат, муҳоҷират ва шуғли аҳолӣ, Кумитаи телевизион ва радио ва як қатор муассисаҳои зертобеи ин кумита, агентиҳои хизмати давлатӣ, суғуртаи иҷтимоӣ ва нафақа, хадамоти иҷро, Донишгоҳи давлатии тиббӣ, Донишкадаи тарбияи ҷисмонӣ, Донишкадаи давлатии санъати тасвирӣ ва дизайн тағйироти кадрӣ карда шуд.

Мутобиқи банди 8 моддаи 69 Конститутсияи Ҷумҳурии Тоҷикистон пешниҳодҳои Президенти Ҷумҳурии Тоҷикистон ба Маҷлиси миллии Маҷлиси Олии Ҷумҳурии Тоҷикистон дар бораи аз вазифаи Раиси Суди Олии Ҷумҳурии Тоҷикистон бозхонд намудани Шермуҳаммад Шоҳиён, аз вазифаи Раиси Суди Олии иқтисодии Ҷумҳурии Тоҷикистон бозхонд намудани Мирзозода Рустам Пираҳмад, аз вазифаи муовини раиси Суди Олии иқтисодии Ҷумҳурии Тоҷикистон бозхонд намудани Хайриддинзода Азизбек бо сабаби ба кори дигар гузаштан, аз вазифаи муовини раиси Суди Олии Ҷумҳурии Тоҷикистон бозхонд намудани Исҳоқӣ Амирхон Нусратулло ва аз вазифаи судяи Суди Олии Ҷумҳурии Тоҷикистон бозхонд намудани Азиззода Шодмони Шамс бо сабаби расидан ба синни ниҳоии дар вазифаи судя будан ва дар бораи раиси Суди олии Ҷумҳурии Тоҷикистон интихоб намудани Мирзозода Рустам Пираҳмад ирсол гардид.

Ҳамин тавр, Мирзозода Рустам Пираҳмад раиси Суди олии Ҷумҳурии Тоҷикистон, Раҷабзода Муродалӣ Раҷаб муовини якуми раиси Кумитаидавлатии амнияти миллии Ҷумҳурии Тоҷикистон, фармондеҳи Қушунҳои сарҳадии Кумитаи давлатии амнияти  миллии Ҷумҳурии Тоҷикистон; Холмаҳмадзода Солеҳа ыазири меҳнат, муҳоҷират ва шуғли аҳолии Ҷумҳурии Тоҷикистон; Саидзода Носир Озод раиси Кумитаи телевизион ва радиои назди Ҳукумати Ҷумҳурии Тоҷикистон; Раҷабалӣ Раҳмоналӣ раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон; Идрисзода Илёс Мумин директори Агентии хизмати давлатии назди Президенти  Ҷумҳурии Тоҷикистон; Ҳалимзода Абдураҳмон Достӣ директори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон; Абдуллозода Аҳтам Рустам сардори Хадамоти иҷрои назди Ҳукумати Ҷумҳурии Тоҷикистон; Раҳматуллозода Сахидод Раҳматулло раиси Кумитаи забон ва ислоҳоти  назди Ҳукумати Ҷумҳурии Тоҷикистон; Шамсуддинзода Садриддин Зайниддин директори Муассисаи давлатии Телевизиони Сафина”; Зокирзода Маҳмадёқуб Раҷабалӣ муовини аввали  директори Муассисаи давлатии “Телевизиони Сафина”; Соҳибназари Муҳаммади Ғоиб директори Муассисаи давлатии телевизиони “Ҷаҳоннамо”; Муҳиддинзода Нуриддин Давлаталӣ ректори Донишгоҳи давлатии тиббии Тоҷикистон ба номи Сино; Иброҳимзода Амир Мудин ректори Донишкадаи тарбияи ҷисмонии Тоҷикистон  ба номи Раҳимов; Ҷурахонзода Сироҷиддин Шамсулло ректори Муассисаи таҳсилоти олии  касбии “Донишкадаи давлатии санъати тасвирӣ ва дизайни Тоҷикистон”; Шарифзода Лутфия Шариф сардори Саридораи бойгонии назди Ҳукумати Ҷумҳурии Тоҷикистон; Мализода Баҳром Ҳикмон директори ҶСК ”Пажуҳишгоҳи илмӣ ва лоиҳакашию ҷустуҷӯйи САНИИОСП” таъйин шуданд.

Блоки рекламавӣ

ЯК ҶАВОБ ТАРК

Пожалуйста, введите ваш комментарий!
пожалуйста, введите ваше имя здесь