Як зан дар Истаравшан бо як зарби табар шавҳари 54-солаи худро ба қатл расонидааст.
Маркази матуботи ВКД хабар медиҳад, ки 12-уми октябри соли 2020, тахминан соати 06:30, зани 40-солае дар хонаи истиқоматиаш бо шавҳараш, марди 54-сола, муноқиша кардааст, ки ба ҷангу ҷанҷол расида, сабаби марги яке гаштааст. Зан бо табари хоҷагӣ 1 маротиба ба сари мард задаст. Дар натиҷа, ҷабрдида ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия зани сокини ҷамоати деҳоти Қалъачаи Калони шаҳри Истаравшан бо гумони содир кардани ин ҷинояти одамкушӣ дастгир карда шудааст.
Аз рӯи ин ҳодиса тафтишот идома дорад.
Блоки рекламавӣ
