Исроил баъди сарнагунии Башор Асад як минтақаи буфериро дар теппаҳои Ҷӯлони Сурия ишғол кард.
Бинёмин Нетаняҳу, нахуствазири Исроил, эълом кард, ки артиши исроилӣ муваққатан назорати минтақаи буферии безараргардонидашуда дар теппаҳои Ҷӯлонро ба даст гирифтаанд, зеро ба гуфтаи вай тавофуқномаи ҷудоӣ аз Сурия дар соли 1974 баъди тасарруфи ҳукумат аз ҷониби шӯришиён дар ин кишвар “бекор шудааст”. «Мо намегузорем, ки ягон қувваи ошӯбгар дар марзи мо ҷойгир шавад», – гуфт ӯ.
Минтақаи буферӣ бо майдони 400 километри мураббаъ мувофиқи Созишномаи соли 1974 дар бораи аз ҳам ҷудо кардани қувваҳо сохта шуда, аз тарафи неруҳои СММ назорат карда мешавад. Исроил дар марҳилаи ниҳоии ҷанги шашрӯзаи соли 1967 Ҷуланро аз Сурия забт кард ва дар соли 1981 онро якҷониба илҳоқ кард. Ин иқдом дар сатҳи байналмилалӣ эътироф нашуд, гарчанде ки ИМА ин корро якҷониба дар соли 2019 анҷом дод.
Мақомҳои исроилӣ рӯзи душанбе гуфтанд, ки Исроил ҳамлаҳои ҳавоиро ба анборҳои пешрафтаи таслиҳоти Сурия афзоиш медиҳад ва ҳузури “маҳдуд”-и нирӯҳои худро дар замин нигоҳ медорад, то ҳамагуна таҳдиде, ки аз суқути Башор Асад ба вуҷуд меояд, ҷилавгирӣ кунад. Вазири хориҷаи Исроил Ҷидён Саар гуфт, ҳузури низомиён ба таври қатъӣ маҳдуд хоҳад шуд.
