Нахуствазири Ироқ гуфт, як фармондеҳи баландпояи ДИИШ дар шимолу шарқи Ироқ маҳв карда шуд. Дар баробари ӯ 8 фармондеҳи бонуфузи сахроӣ низ аз байн бурда шуданд.
Дар як амалиёти муштарак бо иштироки нирӯҳои Ироқ ва Амрико, Самир Ҳадар Шариф Шиҳон Ан-Нимравӣ, як чеҳраи саршинос, ки масъули интиқоли ҷангандаҳо, аслиҳа ва маводи тарканда байни Ироқу Сурия буд, маҳв карда шуд. Ал-Нимравӣ бо ширкати худ дар фаъолиятҳои хушунатбор, бахусус дар вилояти Анбор, ки бо Сурия ва Урдун ҳаммарз аст, маъруф буд.
Ин дар ҳолест, ки ДИИШ дар ҳоле ки заиф шуда бошад ҳам, дар минтақа фаъол боқӣ монда, аз холигоҳҳои амниятӣ истифода мекунад ва ҳамлаҳои ногаҳонӣ анҷом медиҳад.
Блоки рекламавӣ
