Гурӯҳи нахустини ҳоҷиёни тоҷик, имрӯз, 20-уми август аз Мадина ба ватан бармегарданд. Дар ин бора Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон хабар дод.
Имрӯз, 20-уми август, гурӯҳи нахустини ҳоҷиёни Тоҷикистон аз тариқи хатсайри Мадина-Хуҷанд ба ватан бармегарданд. Парвози ин гурӯҳи зоирон аз тариқи ширкати ватании «Тоҷик-Эйр» дар назар дошта шудааст. Парвоз соати 06:00 оғоз гардида, интизор меравад, ҳудуди 4 соат идома кунад.
Имсол ду нафар аз ҳоҷиёни Тоҷикистон дар ин сафар аз дунё гузаштанд ва дар макони барои мусалмонон муқаддас ба хок супорида шуданд.
Блоки рекламавӣ
