Доналд Трамп, раисиҷумҳури тозаинтихоби Амрико, нахуствазири Канада Ҷастин Трюдоро ба шӯхӣ “губернатори иёлати бузурги Канада” номид. Ин шӯхи Трамп дар саҳифаи ӯ дар шабакаи иҷтимоии Truth пайдо шудааст.
“Шаби гузашта бо губернатори иёлати бузурги Канада Ҷастин Трюдо хӯрдани хӯроки шом хеле хуш буд”, навиштааст Трамп. Вай гуфт, мунтазири мулокқот бо сарвазири Канада аст, то ки дар бораи таърифаҳо ва савдо муфассал муҳокима кунад. Трамп таъкид кард, ки натиҷаҳои ин музокирот “барои ҳама таъсирбахш” хоҳанд буд.
Қабл аз ин, Доналд Трамп зимни мулоқот бо Ҷастин Трюдо гуфта буд, ки Канада ба далели муҳоҷирони ғайриқонунӣ метавонад 51-умин иёлати ИМА шавад. Вай ба сарвазири Канада гуфт, ки билофосила баъди ба кор шуруъ карданаш ният дорад барои воридоти мол ба андозаи 25 дарсад боҷ ҷорӣ кунад. Ба гуфтаи Трамп, ин сенария имконпазир аст, агар Канада ба Иёлоти Муттаҳида дар маҳдуд кардани ҷараёни муҳоҷирони ғайриқонунӣ ба Иёлоти Муттаҳида тавассути марзи Канада кӯмак накунад.
