Муассиси ширкати Microsoft Билл Гейтс ба коронавирус мубтало шуд. Дар ин бора ӯ дар саҳифаи Twitter-и худ хабар дод.
«Ташхиси ман аз COVID-19 мусбӣ баромад. Ман аломатҳои сабук дорам ва бо риояи маслиҳати коршиносон, то барқарор шуданам, худамро аз атрофиён ҷудо мекунам”,навиштааст соҳибкори амрикоӣ.
Гейтс илова кард, ки вай воксан шудааст ва вояи пурқувваткунандаи воксан гирифтааст. Вай таъкид кард, ки Бунёди Гейтс, ки ӯ таъсис додааст, кор бо шариконашро идома медиҳад ва ҳама кори аз дасташ меомадаро мекунад, то ҷаҳон дигар ҳеҷ гоҳ ба пандемӣ дучор нашавад.
Дирӯз сухангӯи NATO Оана Лунгеску эълом кард, ки дабири кулли ин созмон Йенс Столтенберг ба коронавирус мубтало шудааст. Беморӣ дар шакли сабук мегузарад. Дабири кулли NATO дар ояндаи наздик иҷрои вазифаҳои худро ба таври фосилавӣ идома медиҳад.
