Дастаи мунтахаби Тоҷикистон таҳти роҳбарии мутахассиси хорватӣ Петр Сегрт барои омодагӣ ба марҳилаи интихобии Ҷоми Осиё-2023 ҷамъомади дуҳафтаинаи тамринӣ-таълимӣ анҷом медиҳад. Ин ҷамъомад дар Дубай баргузор мешавад.

Дастаи мунтахаби Тоҷикистон 19-уми май пас аз анҷоми бозиҳои даври ҳаштуми Лигаи олии кишвар барои ҷамъомади таълимиву тамринӣ ба Дубай сафар мекунад. Дар ин ҷамъомади таълимиву тамринӣ, ки то 3-юми июн идома мекунад, дастаи мо як бозии дӯстона ба нақша гирифтааст. Ҳарифи футболбозони мо дар бозии санҷишӣ рӯзҳои наздик муайян хоҳад шуд.

Ҳайати мукаммали тими миллии Тоҷикистон барои ҷамъомади таълимиву тамринӣ дар Амороти Муттаҳидаи Араб, ки рӯзи 18 май эълон мешавад, 26 бозигарро дар бар мегирад. Аз ин шумора 23 бозигар ба дархости даста барои ширкат дар мусобиқаи интихобии Ҷоми Осиё-2023 шомил карда мешаванд.

Бояд гуфт, ки дар марҳилаи интихобии Ҷоми Осиё-2023 тими миллии Тоҷикистон дар гурӯҳи «F» бо Мянмар (8 июн), Сингапур (11 июн) ва Қирғизистон (14 июн) бозӣ мекунад. Ҳамаи бозиҳои гурӯҳи «F» дар шакли мутамарказ дар Бишкек баргузор мешаванд. Ғолибони шаш гурӯҳи интихобӣ ва инчунин панҷ тими беҳтарини ҷойҳои дуюмро ишғолкарда ба марҳилаи ниҳоии Ҷоми Осиё-2023 роҳ меёбанд.

Блоки рекламавӣ

ЯК ҶАВОБ ТАРК

Пожалуйста, введите ваш комментарий!
пожалуйста, введите ваше имя здесь